Cliquez ici pour la version française.

Erneierbar Energien, an aktuellen an zukünftege Formen, sinn, aus allsäits bekannte Grënn, eis Zukunft. Et ass allerdéngs wichteg, dass hiren Opbau op en einfache Prinzip, op dee vum Respekt, baséiert.

De Respekt virun der Natur, de Respekt virum Mënsch an de Respekt virun der Ëmwelt schéngen net ëmmer déi néideg Wichtegkeet ze kréien.

De Wandpark, vun deem hei riets geet („Diffwand“), ewéi all anere Wandpark, deen ënnert ähnleche Konditioune soll opgeriicht ginn, verursaacht grouss Onsécherheete wéinst den Auswierkungen, déi dës Monsteren aus Stol kënnen hunn.

Mir denken, dass et wichteg ass d'Auswierkunge vum Wandpark, déi mir hei ënnen drënner a véier representative Kategorien erklären, ze kennen a gutt ze verstoen. Esou ginn d'Grënn verständlech firwat d'Distanz vu Wandenergieanlage par Rapport zu geschützten a bewunnte Gebidder enorm wichteg ass.

De Projet „Diffwand“, wéi en zu Déifferdeng geplangt ass, ass duerch seng Auswierkungen a senger aktueller Form ganz einfach inakzeptabel.

D'Fliedermais, ewéi och d'Vigel, déi an der Natura 2000 Zon hei liewen an déi, zu engem groussen Deel, geschützt sinn, brauchen dëst Schutzgebitt fir ënner beschte Konditiounen iwwerliewe kënnen, ouni dem Risiko ausgesat ze sinn duerch Wandrieder deziméiert ze ginn.

Avec un recensement certain de 16 espèces et des renseignements concernant 4 autres espèces, on a documenté une très large et très précieuse composition des espèces pour la zone étudiée. 

[...]

On doit s’attendre à des préjudices à grande échelle causés par le fonctionnement pour les chauves-souris par collision aux quatre emplacements prévus pour les éoliennes. 

[...]

L’éolienne WEA 1 ancienne version est positionnée directement au voisinage des habitats de chasse privilégiés du Grand-duc (le long de la lisière du bois), ce par quoi un potentiel de conflit élevé existe pour cette espèce en tant qu’hôte de nutrition (ou aussi en tant qu’oiseau nicheur potentiel).

Den europäesche Geriichtshaff huet an engem Uerteel vun 2011 festgehalen, dass
Oui à l'interdiction stricte des éoliennes dans les sites Natura 2000

Wann den europäesche Geriichtshaff decidéiert huet, dass et verbueden ass Wandrieder an Natura 200 Zonen ze bauen, firwat gëtt esou e Projet mat esou enger Proximitéit zu esou enger Zone dann nach fir méiglech zu Déifferdeng gehalen?

De Kaméidi ass ouni Zweiwel eng vun de wichtegsten Auswierkungen, well en sech an zwou Kategorien opdeele léisst:

De Schied an den Stroboskopeffekt 

De Schied, dee vun engem 200 Meter héije Wandrad geworf gëtt, ass bis op 1400 Meter ronderëm d'Wandrad kloer z'erkennen. Eng Norm, déi generell ugewannt gëtt, recommandéiert Haiser a Plazen, wou sech Leit ophalen, net méi laang ewéi 30 Stonnen am Joer, respektiv 30 Minutten am Dag, dem Schiet vun engem Wandrad auszesetzen. Och hei weisen d'Berechnunge aus dem Dossier vun der Gemeng Déifferdeng, dass vill Plazen dem Schattenwurf vun de Wandrieder méi laang ausgesat sinn ewéi recommandéiert.

Bei manner ewéi 1400 Meter Distanz zu engem Wandrad a senge Rotoren verursaachen dës, wa se dréinen, e Schiet, deen ëmmer nees ënnerbrach gëtt an doduerch en onendleche Stroboskopeffekt. Kuckt einfach dëse Video fir iech e Bild vun der Hell ze maachen an där Nopere vun engem Wandrad liewe mussen, wann de Schiet vun dësem permanent iwwert se zitt.

Bleift just nach unzemierken, dass de Schied an de Stroboskopeffekt, esouguer wann en Haus net direkt beréieren, ëmmer am Bléckfeld vun den Awunner leie kënnen, déi dëser onënnerbrachener Beweegung deen Ament ausgesat sinn.

Méi Informatiounen iwwert den opteschen Aspekt

Bayerisches Landesamt für Umwelt: Schattenwurf
Youtube: Schattenwurf eines Windrades

Objectiv
2020

D'EU huet fir all seng Memberlänner, also och Lëtzebuerg, Objektiver fir d'Entwécklung vun erneierbaren Energien festgehalen.

U sech ass dat eng gutt Saach, virun allem och, wann ee weess wéi schwéier Lëtzebuerg sech bis ewell gedoen huet seng CO2 Emissiounen ze reduzéieren. Dëst Zil sollt awer keen ëffentleche Problem ginn, well Impakter vu Wandrieder, déi no u Wunngebidder oder Schutzzone leien, ënnerschat ginn.
Mir si fir erneierbar Energien, awer am Respekt mat der Ëmwelt.

Evolutioun vum Wandpark

E Wandpark, dee bis eng Kéier installéiert ass, gëtt an der Praxis an de Joren duerno dacks ëmgebaut fir méi performant Wandrieder z'installéieren, déi dann op mannst esou vill Kaméidi maachen ewéi déi al, wann net esouguer méi, an deenen hir negativ Aflëss op Natur a Mënsch, duerch déi gesteigert Leeschtung, nach méi grouss kënne sinn.

E Wandpark brauch reegelméissegen Entretien, wat zousätzlech Nuisance mat sech bréngt an de Site op deem e Wandpark installéiert gëtt, muss securiséiert ginn fir ze verhënneren, dass déi installéiert Anlage vu béiswëllege Persoune kënne beschiedegt ginn. 

Multiplikatioun vun Wandparken

Bis 2050 soll d'Kapassitéit Stroum duerch Wand, Waasser a Biomass ze generéieren vun aktuell 114 MW op 2330 MW an d'Luucht goen. Wa mer dovunner ausginn, dass 30% vun der Energie mat Wandkraaft produzéiert soll ginn, da wieren dat ronn 800 MW. Dat entsprécht engen 220 Wandrieder, déi all Kéiers 3,6 MW Stroum produzéiere kënnt.

Wa mer dovunner ausginn, dass dës Wandrieder all Kéiers zu 3 zesumme gestallt ginn, da mussen am Ganzen 74 Site fonnt ginn op deenen dës gebaut kënne ginn. Een esou e Site kéint no – villäicht esouguer ze no – un ärem Doheem leien.

Wa keng kloer Reglementatioun fir Wandenergie definéiert gëtt, da bleift ëmmer Raum fir Abusen. Duerfir biede mir iech eis ze hëllefen andeems dir eis Petitioun ënnerschreift.